AGENDA

ANO NGA BA ANG AGENDA?

Ang agenda ay isang dokumentong naglalaman ng mga paksang tatalakayin sa isang pulong. Ito ay ginagamit bilang gabay upang maging organisado at sistematiko ang daloy ng talakayan. Karaniwan itong isinusulat bago ang isang pormal na pagpupulong upang mabigyan ng ideya ang mga kalahok tungkol sa layunin ng pulong at mga isyung kailangang pagtuunan ng pansin.

Mga Mahahalagang Aspeto ng Agenda:

• Layunin:

  • Tinutukoy at inilalatag ang mga pangunahing isyu at paksa upang masigurong lahat ng kalahok ay handa at may sapat na kaalaman bago magsimula ang pagpupulong.

• Pagkakasunud-sunod:

  • Ang pagkakaayos ng mga paksa mula sa pinakamahalaga hanggang sa mga minor na isyu. Pinapakita nito kung paano isasagawa ang talakayan upang hindi mawala sa landas ang usapan.

• Tagal ng Bawat Paksa:

  • Maaaring ilahad ang inaasahang oras na ilalaan sa bawat paksa. Nakakatulong ito upang mapanatili ang tamang takbo at maiwasan ang pagtagal ng isang bahagi ng pagpupulong.

• Mga Panukalang Solusyon:

  • Kasama ang mga ideya o hakbang na maaaring pag-usapan upang maresolba ang mga isyu na inilista.

• Mga Responsable:

• Paglilista ng mga taong magpapakita o mag-uulat ng kanilang ulat tungkol sa isang partikular na paksa.

Halimbawa ng Agenda:

1. "Agenda para sa Pulong ng Lupon ng Guro – Abril 2025"
2. Pagbubukas at Panalangin (5 minuto)
3. Pag-apruba sa nakaraang tala ng pulong (10 minuto)
4. Pagpapakita ng mga bagong panukala sa pagtuturo (20 minuto)
5. Talakayan sa update ng Proyekto (25 minuto)
6. Pagsasara at pagbibigay ng mga susunod na hakbang (10 minuto)

 ANG DAPAT TANDAAN SA PAGSULAT NG AGENDA:

Ang maayos na pagsulat at pagsunod sa agenda ay nakakatutulong hindi lamang upang maging produktibo ang pagpupulong kundi pati na rin sa pagtatamo ng malinaw na komunikasyon at koordinasyon sa buong grupo.